რა უნდა გაითვალისწინოთ წითელი ხორცის მოყვარულებმა?

მეცნიერები შიშობენ, რომ წითელი ხორცი დივერტიკულიტის განვითარების რისკს ზრდის.



დივერტიკულიტი საჭმლის მომნელებელი სისტემის დაავადებაა. ის მცირე ზომის ჩანთისებრი ამობურცულობაა, რომელიც ყალიბდება მსხვილი ნაწლავის კედელზე. ვითარდება ანთებითი პროცესი.

მისთვის დამახასიათებელია შემდეგი სიმპტომები: ძლიერი ტკივილი მუცლის ქვედა მარცხენა მხარეს თუმცა შესაძლებელია ლოკალიზდებოდეს მარჯვნივაც და განსაკუთრებით აზიელ მოსახლეობაში, სიცხე, გულისრევა, დიარეა ან ყაბზობა.

დაავადების ზუსტი გამომწვევი მიზეზი უცნობია, მაგრამ მეცნიერები ყურადღებას ამახვილებენ შემდეგ რისკ–ფაქტორებზე: სიმსუქნე, ნაკლები მოძრაობა, მოწევა, გენეტიკა.

ამერიკის შეერთებულ შტატებში ყოველწლიურად 210 000 ადამიანი საავადმყოფოში ამ პრობლემას მკურნალობს. ამ დაავადების მაჩვენებელი ახალგაზრდებშიც გაზრდილია.

მასაჩუსეტსის საავადმყოფოს მკვლევართა ჯგუფმა მეცნიერ, ენდრიუ ჩანის ხელმძღვანელობით კვების რაციონი შეისწავლა. ყურადღება გაამახვილეს ხორცზე. მკვლევარებმა წარმოადგინეს კვლევა, სადაც აღწერილია 40–დან 75 წლამდე ასაკის ადამიანების მონაცემები. დაკვირვება 26 წლის განმავლობაში გრძელდებოდა. ყოველ 4 წელში ექსპერიმენტში მონაწილე მამაკაცებს ეკითხებოდნენ თუ რა რაოდენობით მიირთმევდნენ წითელ ხორცს, შინაური ფრინველის ხორცსა და თევზს. პასუხი ასეთი იყო: არ ვჭამ, თვეში მხოლოდ ერთხელ, დღეში ექვსჯერ ან მეტჯერ. 26 წლის მანძილზე კვლევაში მონაწილე 764 მამაკაცს დაუსვეს დივერტიკულიტის დიაგნოზი.

როგორც სტატიაში ვკითხულობთ, მონაწილეები, რომლებიც დიდი რაოდენობით მიირთმევდნენ წითელ ხორცს სხვებთან შედარებით ხშირად სვამდნენ ტკივილგამაყუჩებლებს, უფრო მეტს ეწეოდნენ და უმოძრაო ცხოვრების წესზე არ ამბობდნენ უარს. მაშინ როცა თევზისა და ქათმის ხორცის მოყვარულები შედარებით ნაკლებს ეწეოდნენ და ხშირად ვარჯიშობდნენ.

მეცნიერებს გაუკვირდათ ის ფაქტი, რომ დაავადების განვითარებაზე გავლენა არ მოუხდენია ასაკს ან წონას.

ამ კონკრეტულმა ექსპერიმენტმა ცხადყო, რომ 58%–ით მაღალია დივერტიკულიტის გაჩენის რისკი მაშინ, როცა პიროვნება დიდი რაოდენობით მიირთმევს წითელ ხორცს. მეცნიერები ფიქრობენ, რომ დამატებითი გამოკვლევაა საჭირო იმისთვის, რომ დაზუსტებით ითქვას რატომ შეიძლება ზრდიდეს დაავადების განვითარების რისკს წითელი ხორცი. თუმცა რამდენიმე მიზეზს გამოყოფენ:

•    წითელი ხორცი ზრდის C–რეაქტიული ცილისა და ფერიტინის დონეს – ორივე ანთებითი ქიმიკალებია.
•    წითელი ხორცი დაკავშირებულია გულ–სისხლძარღვთა, დიაბეტისა და კიბოს დაავადებებთან – გარემოებები, სადაც ანთება მნიშვნელოვან როლს თამაშობს.
•    ერთ–ერთი თეორიით, წითელი ხორცის მოხმარება გავლენას ახდენს ნაწლავში მდებარე ბაქტერიის ტიპზე – მიკრობიომზე.   


წყარო ...



ქირურგიის ეროვნული ცენტრის აქციები

კლინიკის სიახლეები

კლინიკის სერვისები

კლინიკის ტექნოლოგიები

კლინიკის ექიმები

კლინიკის ვაკანსიები

ხშირად დასმული კითხვები  (დაუსვი შეკითხვა ექიმს)




11.01.2017
მსგავსი სიახლეები

მსოფლიოში ყველაზე მხცოვანი ქალბატონი 117 წლის იამაიკელი ვაიოლეტ ბრაუნია.

ერექციული დისფუნქცია, რომელიც ასევე ცნობილია, როგორც იმპოტენცია შეიძლება გამოვლინდეს ნებისმიერ ასაკში.

მუსიკა ჯანმრთელობისთვის სასარგებლოა.

პროფილის ფოტოს დიდი მნიშვნელობა აქვს.

მეცნიერები აცხადებენ, რომ 14 წლამდე ასაკის ბავშვები გზას უსაფრთხოდ ვერ კვეთენ.

ალებს უწოდებენ უეცარი სიცხის შეგრძნებას.

ველოსიპედით სეირნობა ჯანმრთელობისთვის სასარგებლოა.

მეცნიერებმა საინტერესო ექსპერიმენტი ჩაატარეს.

მშობლის სტატუსი დიდი ბედნიერება და პასუხისმგებლობაა.

ჭარხალი ჯანმრთელობისთვის ძალიან სასარგებლოა.