ქირურგიის ეროვნული ცენტრი გილოცავთ ახალ წელს!

მიიწურა 2016 წელი.


მთელი ეს პერიოდი, ჩვენი კლინიკა და მისი თითოეული წევრი, მთელი მონდომებით იდგა თქვენი ჯანმრთელობის სადარაჯოზე. ამის თვალსაჩინო დადასტურებაა კლინიკის მიერ წლის განმავლობაში მიღებული და გატარებული 30 000–ზე მეტი პაციენტი და 3300–ზე მეტი წარმატებული ოპერაცია, მათ შორის ნოვატორული ენდოვასკულური ქირურგიის მეთოდებით, რომელთა წყალობითაც უამრავი გამოჯანმრთელებული პაციენტი გაეწერა კლინიკიდან.
ამასთან, დაინერგა უახლესი თანამედროვე ტექნოლოგიები. გაიზარდა მადლიერი პაციენტების რიცხვი. თუმცა მთავარია არა ის, რითაც ჩვენ ვამაყობთ, არამედ ის, რის გამოც თქვენ ხართ კმაყოფილი ჩვენთან ურთიერთობით.  

ქირურგიის ეროვნული ცენტრი მაქსიმალურად ცდილობდა თქვენი ნდობისა და პატივისცემის დამსახურებას, იგივე გაგრძელდება მომავალშიც.

ჩვენი პრიორიტეტი თქვენი კმაყოფილებაა და ამისთვის ქირურგიის ეროვნული ცენტრი კვლავ ყველაფერს გააკეთებს. ეს არის ჩვენი ცენტრის მთავარი საზრუნავი. ასე იყო 2016–ში და ასე იქნება მომავალშიც. ჩვენ კვლავ 24 საათის განმავლობაში ვიზრუნებთ თქვენს ჯანმრთელობასა და რეაბილიტაციაზე, კვლავ დიდი გულისყურით მოვეკიდებით თქვენს სურვილებს და შენიშვნებს. ვეცდებით გავითვალისწინოთ თქვენი მოთხოვნები.

გილოცავთ ახალ 2017 წელს და გისურვებთ ჯანმრთელობას, დღეგრძელობასა და კეთილდღეობას!

მადლობას გიხდით ნდობისთვის!

30.12.2016
მსგავსი სიახლეები

საქართველოს შრომის, ჯანმრთელობისა და სოციალური დაცვის სამინისტრომ ქირურგიის ეროვნულ ცენტრს მადლობის სიგელი გადასცა

ქირურგიის ეროვნულ ცენტრს 28 იანვარს პროფესიული ვიზიტით ეწვევა მსოფლიოს წამყვანი ენდოვასკულური ქირურგი, მარტინ კოხერი.

მსოფლიოში ქალთა პოპულაციაში, ონკოლოგიურ დაავადებებს შორის, სარძევე ჯირკვლის სიმსივნეს პირველი ადგილი უჭირავს და სამწუხაროდ, საქართველოშიც ძალიან გავრცელებულია.

ქიმიოთერაპია სიმსივნის მედიკამენტური მკურნალობის მეთოდია.

ქირურგიის ეროვნული ცენტრი მულტიპროფილური კლინიკაა, სადაც მკურნალობა და დიაგნოსტირება უახლესი ტექნოლოგიებითა და თანამედროვე სტანდარტებით ტარდება.

ქირურგიის ეროვნულ ცენტრში ინტენსიურად მიმდინარეობს სხივური ამაჩქარებლებისთვის განკუთვნილი ბუნკერების მშენებლობა, სადაც ონკოლოგიურ პაციენტებს შეეძლებათ, ონკოლოგიაში არსებული უახლესი მეთოდებით იმკურნალონ.

ქირურგიის ეროვნული ცენტრი მჭიდროდ თანამშრომლობს ამერიკულ კომპანიასთან „ვარიანის ონკოლოგიურ სისტემებთან“ (Varian Oncology Systems).
ქირურგიის ეროვნულმა ცენტრმა ექიმ უროლოგს ისრაელიდან, აბრამ ამირან ჩაჩაშვილს უმასპინძლა.